بلوچی بوان بلوچی بنویس بلوچی هبر بکن

ا آ ب پ ت ٹ ج چ ح خ د ذ ڈ ر ڑ ز ژ س ش ص ض ک گ ع غ ف ق ل م ن و ه ء ی  ے

     

ا             اَپس

آ - اِے – ایش – آپ – آس – آچ – آتک – اَلّم – اَجل – اِنت – آسک

اِے اَپس اِنت.

آ اَپسءَ آپ دَنت.

اَپس ترْند تچ­ایت

ب باسک

با – بی – به – بَچّ – بَشّ – باپ – باج – بَهت – بَنت – بَچک – بَدَل – بِبَر

منی دو باسک­اَنت.

دوئین باسک راج­ئیگ­اَنت.

تئی باسک کئیگ­اَنت؟

پ پل

پاد – په – پَش- پِت - پِسّ – پِیشّ- پاک – پات – پاشک – پَژم – پَدِل – پَدَر

اے یک پُلّے.

پل وَش رنگ­اِنت.

اے گلابءِ پُلّ­اِنت.

ناه­ءِ پاتءَ بیار.

ت تَپَر

تا – تی – ته – تَچ – تشّ – تَپ – تَهت – تاک – تتک – توم – تپت

اے تَپَر کُنٹ نه اِنت.

گون تپرءَ ٹالءَ مه گُڈّ.

میران تپ­ءَ گِپتگ.

آ تَهتءِ سرا وپتگ.

ٹ ٹال

ٹا – ٹی – ٹکّ – ٹاک – ٹگَل - ٹاهین

درْچکءِ ٹالان مه­سِند.

ٹالءِ سرا کُلی­انت.

ما یکّین درْچکءِ ٹالین.

ج جِنگ

جا – جی – جَت – جَه – جات – جاک – جَشک – جهل – جَاه­سرّ – جَنت

آ جِنگ­اِنت.

جِنگءَ بال کُت

جاک مه جَن.

نُنُک چَه وابءَ جاه­سرّاِت.

چ چراگ

چا – چی – چَه – چَکّ – چَش – چات – چَگل – چکّر – چُنت

چِراگءَ کُش.

روچ دَرآتکگ.

ناکو چَه چاتءَ آپ کشّ­اِیت.

د دلَوَت

دا – دی – ده – دَپ – دَنت – دار – دات – دوش – دوشی – دانگ – دانک – دِلگوش

ده پس و ده گوک.

گوک و پس دَلوَت­انت.

دَلوَت مئیگ­اَنت.

جَنگ دو شَر داراِیت.

تو وتی کاران دِلگوش بِبئے.

ڈ ڈَک

ڈا – ڈیهے ڈکّم – ڈَول – ڈگار- ڈاچی – اَڈ – هڈ

ڈَکّءِ دَپءَ گِر.

مئے ڈیهے مَزن­اِنت.

مُلکءِ ڈگار سبزاَنت.

ڈکُمّین ملگور سک ڈولداراَنت.

ر روچ

را – ری – روک – رُوشّ – رَوت – رَنت – راشَگ – ناشِر

روچ در آیگااِنت.

کُچک راشَگااِنت

ناشِرانی راهءَ مه­گِر.

نوهان وانگ­جاهءَ روت.

ڑ ماڑی

ڑ –واڑ - چاڑ – اورماڑه – اَڑ – اَڑینگ - لُڑ

آ کئی ماڑی­اِنت؟

اورماڑه مئے یک بندنے.

پسان واڑءِ دپءَ بند.

لهڑ آتگ، آپ لُڑاِنت.

ز زهگ

زی – زرّ – زات – زار – زوتّ – زَپت – زومّ – زَبْر – زْور – گوْازی- زیگ - زِز

تو کئی زهگ­ئے؟

تئی مَلّگ زَبْر اَنت.

بُرو گوْازی بِکن.

یکدار مان زِرا اِنت.

زِرءَ ماهیگ است.

ژ ژِلینگوک

هِژم – گُژْن – ژَند – ژوب – ژومب- ژَمبگ – رُژن - اژدیا

ژِلینگوک چاکرءِ دستءَاِنت.

بالانچ ژنداِنت.

هِژم مه زِیر.

س سْروپ

ساه- سی سئے – سر- سَگّ - سَگ – سوب – سوت – سوج – سْرین – سَرِیگ - ساد

اِے سْروپ چِتور وَشّ اِنت.

منءَ سئی مزنین سْروپ بدئے.

سوتءِ توار پیداگ اِنت.

دو سوب پیگمبران هم نه رس­اِتگ.

ش شپانک

شا- شی شه – شش – شِیر- شیِر- شام – شات – شهم، شمبے – شَکّل

پَسان شپانک چارین­اِیت.

ما شِیر و شَکّل ورین.

گِروک شهم جَنَگااِنت.

شش روچءَ رَند شمبے کَیت.

ک کوه

کاه – کِچّ – کئے – کَش- کوش- کُجا – کوکّار – کلات – کالَگ – کاسَگ – کَسان – کُچَّل – کَچّ

اِے کوه سکّ بُرزاِنت.

بیا کوهءِ سرا سرکپین.

داکترءَ کُچَّلین دَرمان داتگ.

مراد کوکّار کَنگااِنت.

مُرادءِ کُجا شُت؟

ماهیگءِ کُچلان چَگل دئے.

گ گراگ

گ – گَچّ – گوش – گوک – گندیم – گورانڈ – گْونڈ – گنوک

گُراکءَ هالے گون­اِنت.

گورانڈ هارگ ورگااِنت.

گوش بِدار گوک بانشگااِنت.

گوهر کتاب وانگااِنت.

ل لیڑه

لا – لی – لَیب – لَنکُک - لَسّه – لوجّر – لولُک – لپونزّ – لیگار

شهداد لیڑهءَ جَمازاِنت.

لالی لَیب کنگااِنت.

تئی دستانی چُنت لَنکُک­اَنت.

م مَچّ

ما- می – مئی – مات – ماس – ماک – مَدَر – مَزَن – میش – مَشک – آمین – شُمئی

اِمبَرءَ مچّان شَر بَر کُتگ.

مئی مات و پت سَکّ گَل­اَنت.

منءَ مَدَر باز وشّ بِیت.

اِے مَشک دوگءَ پُراِنت.

ن نِیبّگ

نا – نی – نان – نات – انار – نَول – نپاد – انگور – نِبِشتانک – نازینک

انگور و انار نِیّبگ­انت.

بشّام هرروچ نِیبگ وارت­اِنت.

آ انار سُهراَنت.

منءَ انار سک وَش بِیت.

و ورنا

وا – وی – وت – وانگ – وشّ – واڑ - واجه – ورگ – واد

ورنا مَلاّنءَ پیداک­اِنت.

تئی گپّ سَکّ وشّ اَنت.

میران ورگ ورگااِنت.

مهرُک وانگااِنت.

ه ( ) هور

ه - - هور – هَار – هال – هید – هژْم – هِیر - هَلوت

مرچی هور گوْارگااِنت.

کورءَ هار کُتگ.

هیدان پهک کن.

هبر چه هلوتءَ گوْستگ.

هُدا هیر کنت

هداهیر گل­اِنت.

ء ءِ – ءَ

ترا کیءَ توار کُت؟

منءَ کلمے بدئے.

نِگبَهتءِ پَسءَ زنک کُتگ.

ی یک­دار

یا - یاد – یَل – یک – یاتگار – پیل – یک­پارگی

مئی یکدار مان زِرا اِنت.

یَک کَلداری گوْرامءَ بدئے.

چاپ یکّین دستءَ توار نه کنت.

راهءَ یله مه دئے.

ے ۓ

اِے – مئے – شمئے – نیائے- ببئے – شمبے

اِے یک کتاب­ے.

کِتاب بلوچیءَاِنت.

بلوچی مئے ماتی زبان­اِنت.

تو نشتگ­ۓ.

تو لیب کن­ۓ

ڈگار­ۓ کِشت

کتاب­ۓ بُرت

یک	1	یازده	11	سِی
دو		دوازده		چِلّ
سے		سیزده		پنجاه
چار		چارده		شست
پنچ		پانزده		هپتاد
شش		شانزده		هشتاد
هپت		هبده		نَوَد
هشت		هژده		سد
نُه		نوزده
ده		بیست

هپتگءِ روچ

یک هپتگےءَ هپت روچ بنت

شمبے

یک­شمبے

دوشمبے

سے­شمبے

چارشمبے

پنچ­شمبے

آدینگ (جُمعه)